НҮБУАӨСК, Парисын хэлэлцээрийн албан ёсны түншлэл болох "Үндэсний тодорхойлсон хувь нэмрийн түншлэл (NDC Partnership)"-ийн захирал Пабло Виэратай уулзаж, Монгол Улсын хамтын ажиллагаа, түншлэлийг бэхжүүлэхээр ярилцлаа.

Тус түншлэлд дэлхийн 80 гаруй улс нэгдэн орсон байдаг ба ҮТХН түншлэл нь гишүүн улс орнуудын ҮТХН-ийн зорилтыг шинэчлэх, хэрэгжилтийг эрчимжүүлэхэд олон улсын байгууллага, санхүүгийн байгууллагуудын нэгдсэн уялдаа зохицуулалтыг дэмжиж ажилладаг.

Цаашид шинэчлэн тодорхойлсон ҮТХН-ийн зорилтын бодитой хэрэгжилтийг хангуулах, MRV систем болон Уур амьсгалын өөрчлөлтийн үндэсний платформ байгуулах, Монгол Улсын чадавхыг бэхжүүлэхэд хамтран ажиллахаар тохиролцов.